Baboon vazhdon misionin prej katër javësh, drekën dhe darkën në Infektiv me një numër më të madh restorantesh
E Diel 19 Prill 2020, 14:12
TiranaPost
Që pas nismës së rrjetit të shpërndarjes së ushqimeve Baboon dhe Tiranapost, prej gati katër javësh, pati jo pak mbështetje në publik si çdo shembull i mirë që frymëzon.
Baboon dërgon çdo ditë pa një limit të caktuar kohor dy vaktet të ngrohta e të shëndetshme për mjekët dhe infermierët e Spitalit Infektiv.
Këtë herë projektit tonë i janë bashkuar edhe restorantet:
- KFC
- Sheqer Pikant
- Il Gusto Bistro
- Bufe
Genti Selenica, themeluesi i Baboon thotë :
‘Online po kthehet në një nga shërbimet e kërkuara për shkak të karantinimit. Një pjesë e restoranteve po mbijetojnë falë këtij formati që sot më shumë se kurrë po na shërben pasi po jetojmë online në kuptimin e parë të fjalës'.