Taurina mund të jetë sekreti për ngadalësimin e plakjes, thonë shkencëtarët
E Enjte 20 Korrik 2023, 11:12
TiranaPost
Shkencëtarët po bëjnë thirrje për një provë të madhe klinike mbi taurinën pasi është vërtetuar se ngadalëson procesin e plakjes dhe zgjat jetëgjatësinë e minjve deri në 10 për qind.
Mikronutrienti mund të gjendet natyrshëm te mishi, peshku dhe produktet e qumështit, por gjithashtu përdoret më së shumti në pijet energjike me kafeinë.
Pasi panë rezultatet që kishte përdorimi i taurinës tek minjtë, studiuesit tani do të dëshironin të përparonin gjetjet e tyre tek njerëzit.
Çfarë është taurina?
Taurina është një kimikat i cili bën pjesë në një grup të njohur si aminoacide. Natyrisht gjendet në ushqimet me proteina, si produktet shtazore. Është një nga mikronutrientët që mbështet funksionin e qelizave dhe veçanërisht ndihmon prodhimin e energjisë.
Ai e bën këtë duke mbështetur shëndetin e mitokondrive në qeliza, të cilat janë përgjegjëse për ngarkimin e qelizave me energji.
Si mendojnë shkencëtarët që taurina ndikon në plakje?
Në eksperiment, shkencëtarët nga Universiteti Columbia në Nju Jork, SHBA, u dhanë një dozë ditore taurine minjve.
Rezultatet u botuan në Journal of Science dhe treguan se jetëgjatësia e minjve meshkuj u rrit me 10 përqind duke marrë suplementin, ndërsa femrat u rrit me afërsisht 12 përqind.
Kjo jetëgjatësi e përmirësuar ndodhi edhe te majmunët dhe krimbat.
Si pjesë e projektit, studiuesit analizuan 12,000 njerëz dhe zbuluan se ata me më shumë taurinë në gjakun e tyre ishin në përgjithësi më të shëndetshëm. Taurina është diçka që ndodh natyrshëm në trupin e njeriut, por me kalimin e moshës, nivelet natyrisht ulen.
