Studimi: Depresioni më i zakonshëm në një familje që jeton në periferi sesa në qytet
E Hënë 29 Maj 2023, 11:33
TiranaPost
Sipas hulumtimeve ekzistuese, njerëzit që jetojnë në zonat urbane në Evropën Perëndimore dhe SHBA e gjejnë veten përballë një rreziku 39% më të lartë krahasuar me ata që jetojnë diku tjetër.
Por një studim i ri i publikuar në Science Advances ka zbuluar se disa zona urbane janë më të mira se të tjerat.
Edhe pse në zonat e dendura të qytetit në përgjithësi gjen më shumë zhurmë, ndotje të ajrit dhe ndërtesa të larta, njerëzit që jetojnë në periferi kanë më shumë gjasa të jenë në depresion sesa homologët e tyre në qendër të qytetit. Pse?
Studiuesit danezë që qëndrojnë pas studimit të ri argumentojnë se rreziqet më të larta të depresionit të gjetura në periferi mund të jenë pjesërisht për shkak të udhëtimeve të gjata me makinë, më pak hapësirë të hapur publike dhe mangësia e qendrave tregtare lokale ku njerëzit mund të mblidhen së bashku.
Pse qendrat e qyteteve duken më të mira për shëndetin mendor?
“Ndërtesat më të larta ose forma më e dendur urbane mund të përfitojnë shëndetin mendor përmes rritjes së popullsisë dhe mundësive për ndërveprim social”, shpjegon studimi.
“Ndërveprimet sociale krijojnë një ndjenjë komuniteti, reciprociteti dhe besueshmërie, të cilat janë faktorë të lidhur pozitivisht me mirëqenien mendore dhe mbrojtëse kundër depresionit”.
Sudimi nxjerr si përfundim se qasja në hapësirën e hapur të gjelbër dhe ndërveprimi duket se janë dy çelësat për parandalimin e depresionit dhe sëmundjeve të rënda mendore.
Kjo tregon se planifikimi hapësinor urban mund të ketë ndikim në shëndetin mendor publik. Studiuesit vënë në dukje se skemat e ndërtesave shumëkatëshe të ndërthurura me hapësira të gjelbra të mëdha mund të zbusin depresionin. Sigurisht, ky studim ka kufijtë e tij.
Ai u krye duke analizuar zonat urbane të Danimarkës, dhe kështu "mund të mos jetë drejtpërdrejt i zbatueshëm për të gjitha vendet e tjera" pasi "faktorët socio-mjedisor të mirëqenies mendore varen nga kontekstet kulturore dhe gjeografike".
