Pas këtij studimi, gratë duhet t'i përtypin fjalët që thanë se burrat e bëjnë tragjik edhe gripin
E Mërkurë 11 Shtator 2024, 15:16
TiranaPost
Të dashura gra, burrat shërohen më vonë nga gripi. Ata kanë një sistem imunitar më të dobët se ju. Këtë e thotë shkenca.
Alex Saragosa, një tjetër burrë i lodhur nga vënia në lojë, kreu studimin dhe pavarësisht notave të humorit, po shkruajmë për një studim serioz.
Skena është e njohur: një burrë i shtrirë në divan, i rrethuar me peshqirë të lagur, termometra dhe gota me pije të nxehta, që thotë se i duket sikur po vdes nga një grip i fortë ose i lehtë. Amerikanët i kanë vënë edhe emër "gripi i burrave" për të shpjeguar maninë e tyre për të ekzagjeruar sëmundje apo gjendje virale që gratë i kalojnë pa ankesa dhe drama.
Arsyeja e këtyre dallimeve duket se qëndron në faktin se gratë kanë një sistem imunitar më të mirë. Përveç kësaj, prodhimi i estrogjenit e forcon edhe më shumë sistemin imunitar.
Sipas këtij studimi, Kromozomi X, që gratë e kanë dyfish (XX), përmban gjene të lidhura me mbrojtjen kundër patogjenëve të ndryshëm.
Ja pse gratë e kalojnë gripin në këmbë.
