Përplasje me armë mes grupesh në Greqi, 6 persona të vdekur! Dyshohet të jenë shqiptarë
E Hënë 11 Shtator 2023, 19:37
TiranaPost
Një ngjarje e rëndë ka ndodhur në Greqi. Të paktën gjashtë persona kanë humbur jetën pas të shtënave me armë zjarri.
Mediat greke shkruajnë se dyshohet se viktimat janë shqiptarë.
Masakra ka ndodhur mes rrugëve Arionos dhe Acropoleos. Nga informacionet e para dyshohet se ka pasur shkëmbim zjarri.
Pesë viktima janë gjetur brenda në makinë, ndërsa njëri që mendohet se ishte shoferi është gjetur jashtë makinës me targa gjermane. Dyshohet se ai ka tentuar të largohej por është qëlluar për vdekje.
Autoritetet kanë rrethuar zonën, ndërsa po hetojnë për të zbardhur ngjarjen.
