Ambasadori serb provokon në Twitter, quan Dua Lipën bashkëkombase
E Mërkurë 5 Janar 2022, 22:40
TiranaPost
Ambasadori i Serbisë në Shtetet e Bashkuara të Amerikës, Marko Gjuriç, e ka quajtur “bashkëkombëse”, këngëtaren kosovare, Dua Lipën, në formë provokuese gjatë një përplasje me ish-ambasadoren e Kosovës në SHBA, Vlora Çitakun në Twitter.
“Duke lënë komentet urrejtëse anash, jam shumë krenar për bashkëkombësen tonë të dashur Dua Lipa (flamur i Serbisë) edhe pse ajo mund të mendojë ndryshe për çështjet politike”, ka shkruar Gjuriç.
P.S. Petty hateful comments aside, I am very proud of our lovely compatriot Dua Lipa 🇷🇸, even though she may think differently on a political issue.
— Марко Ђурић (@markodjuric) January 4, 2022
E gjitha ka nisur pas pranimit të tenistit serb Novak Djokovic në Australia Open pa u vaksinuar kundër Covidit. Ish-ambasadorja Vlora Çitaku nisur nga kjo ndodhi ka bërë një postim në Twiiter ku shkruan:
“Të gjitha kafshët janë të barabarta, por disa kafshë janë më të barabarta se të tjerët”, ishte një postim i nënkryetares së PDK-së, Vlora Çitaku.
Gjuriç i është përgjigjur postimit të saj duke e akuzuar se po përdor gjuhë urejtjeje me motive etnike.
Përplasja mes tyre ka vazhduar edhe më tej, ku ish-ambasadorja është shprehur se nëse Gjuriç do të lexonte Orwell do të dinte kuptimin e alegorisë dhe nuk do të përfundonte duke turpëruar veten publikisht.
Nuk ka munguar përsëri një koment i Gjuriç i cili është shprehur,
Oh, e di që, në librin tuaj, edhe unë jam një "kafshë" analfabete. Por, po sikur të filloni më në fund të përdorni Kushtetutën, Marrëveshjet e Brukselit dhe Uashingtonit, ose të paktën Konventën Evropiane për të Drejtat e Njeriut, dhe t'i zbatoni ato…
Tiranapost.al
