Sot ‘Dita pa makina’. Këto janë rrugët në Tiranë ku ndalohet qarkullimi
Nga ora 08:00 e mëngjesit dhe deri në orën 14:00 disa rrugë të Tiranës do të jenë të bllokuara. Në to do të ndalohet qarkullimi i automjeteve dhe do të lëvizet vetëm në këmbë, ose me biçikletë. Në kuadër të “Javës Europiane të Lëvizshmërisë” kufizimi i automjeteve do të jetë i kufizuar.
Rruga “Luigj Gurakuqi”, duke filluar nga kryqëzimi me rrugën “Xhorxh Bush” deri në sheshin “Avni Rustemi”.
Rruga “Kostandin Kristoforidhi” deri në kryqëzimin me rrugën “Luigj Gurakuqi”
Qarkullimi i mjeteve të emergjencës dhe Policisë së Shtetit do të vazhdojë normalisht në segmentet rrugore sipas pikës 1.
Qarkullimi i mjeteve të tjera do të vazhdojë në segmentet e mëposhtme:
Rruga “Xhorxh Bush” – Rruga -Barikadave”
Rruga “Hoxha Tahsim”,- “Rruga “Tefta Tasho Koço”
Qarkullimi i mjeteve të transportit publik linja -Porcelan – Qendër- do të devijojë në sheshin “Avni Rustemi” dhe do të stacionohet pranë tij.
Mund t`i bashkohesh kësaj dite dhe ta lësh makinën në shtëpi edhe nëse nuk të bie rruga në këto segmente!