Qyteti

Një rrugë në kryeqytet do mbajë emrin e ish-kampionit të boksit, Skënder Kurti

Një rrugë në kryeqytet do mbajë emrin e ish-kampionit

Rruga e cila kufizohet nga rrugët "Kongresi i Manastirit" dhe "Faik Turdiu" pranë QSUT-së, do të mbajë emrin e ish-kampionit të boksit Skënder Kurti, i cili u nda nga jeta në prill të vitit 2020, pas betejës me Covid-19.

Një rrugë në kryeqytet do mbajë emrin e ish-kampionit

Kryebashkiaku i Tiranës Erion Veliaj tha se ndihet i nderuar që bashkia votoi unanimisht që një rrugë në Njësinë 3 të mbajë emrin e Skënder Kurtit.

“Skënder Kurti i ka shërbyer këtij vendi në ushtri, në gardë, në bashkinë tonë, por mesa duket, detyra më e lartë e njeriut është të jetë një qytetar i mirë. Sot nuk dua ta kujtoj Skënderin në të gjitha funksionet që ka pasur, por Skënderin e mirë që kemi njohur si qytetarin e mirë të Tiranës sonë; si mësues për shumë të rinj, shumë fëmijë, për të cilët nuk ishte vetëm trajneri i boksit, por ishte një mentor, këshilltar, një vëlla i madh, ishte një prind i dytë. Më vjen mirë që një rrugë në lagjen tonë do të mbaj emrin e ‘Skënder Kurtit’”, pohoi ai.

Një rrugë në kryeqytet do mbajë emrin e ish-kampionit

Veliaj u dorëzoi familjarëve në shenjë simbolike, një kopje të tabelës me emrin e rrugës.