Politikë

Rama në intervistë në Pragë: Jam shok edhe me Jared Kushner edhe me Alex Soros

Rama në intervistë në Pragë: Jam shok edhe me Jared Kushner

Në një intervistë të dhënë në forumin ndërkombëtar të sigurisë GLOBSEC 2024, në Pragë, kryeministri i Shqipërisë, Edi Rama, ka deklaruar se është mik me Jared Kushner, dhëndrin e ish-presidentit të SHBA-ve Donald Trump, dhe me Alex Soros, djalin e filantropistit George Soros. Kjo deklaratë erdhi pasi kryeministri u pyet për marrëdhëniet e mira diplomatike me administratën e Trump, por edhe me administratën e Biden. Përgjigja e kryeministrit ishte se nuk besonte në metodën “miku i armikut tim është armiku im”.

Dua t’iu pyes, keni një reputacion interesant. Ju njiheni, jeni kryetar i PS, njiheni për marrëdhënie të mira me administratën e Trump kur ishte president, por edhe me palën e Biden. Shumë njerëz duan ta mësojnë këtë aftësi. Duke u lidhur me ish-Presidentin përmes Jared Kushner, po zhvilloni një pronë të bukur në Shqipëri. Si arrini të lundroni në këto personalitete botërore, ku ju jeni në qendër?

Rama: Unë jam rritur në kohën e një regjimi komunist të ashpër. Unë nuk besoj në metodën “miku i armikut tim është armiku im”,te zgjedhja e miqve në këtë lloj mënyre. Nga ana tjetër, ndoshta jam kryeministri më i gjatë dhe jam i vetëdijshëm që nuk përfaqësoj një vend kaq larg. Jemi një vend i vogël dhe kemi nevojë për miq. Unë jam mik edhe me Jared Kushner, edhe me Alex Soros. Ky është një konfrontim edhe më me kripë se Biden dhe Trump. Shqipëria është mike me Greqinë dhe Turqinë. Si mund të zgjedhim? Unë jam shumë mik me Melonin, ajo përfaqëson të djathtën dhe më është dashur t’u shpjegojë të mive që nuk është ide e mirë nëse shkoj dhe flas në takimin e partisë së saj ku më kanë ftuar dhe të konsiderohem tradhtar. Ky lloj kategorizimi nuk është i dobishëm sot. Njerëzit janë njerëz, unë besoj të flasësh me njerëz, edhe të mos biesh dakord në mënyrë të hirshme është më mirë se të mos flasësh.