Veshjet që kam ruajtur ketë javë në Instagram
Sa herë që hap instagramin dhe më del fotoja e ndonjë personazhi nga moda, më vjen instiktivisht t’i bëj “save”. Sidomos kur shoh dizajnet e Jaquemus, fustane asimetrike, copa të mira kashmiri apo xhaketa të gjata The Row.
Sa herë që shoh dikë me bluza të leshta kashmiri, që rrinë pas trupi tek pjesa e belit, dua ta di nga ku i kane blerë. Shumica e bluzave kashmiri kanë prerje të bollshme që kur i vesh me pantallona xhins, bëjnë ato palat e bezdisshme tek qemeri.
Kanotjeret asimetrike po bëhen gjithnjë e më shumë trend. Kombinohen me xhaketat me kuadrate dhe pantallona blu të errëta.
Një nga trendet e sezonit do jenë dhe fustanet me ngjyra të ndryshme. Më daktë, sarafanet. Që t’i kombinosh bukur me golfe ose këmisha.
Marc Jacobs krijoi diku nga maji çantat e rrobës me logon e madhe The Tote Bag. Sa të bukura që janë! Unë do t’i kombinoja me kostume gri ose lino bezhë.
Ah po, sa herë shoh vathë i ruaj direkt. Sido që të jenë, me gurë, pa gurë, me perla, pa perla. Të preferuarit këtë sezon janë ata floriri gjysëm rreth.
Nën Lupën e Stela Sallakut/ tiranapost.al