Re pluhuri nga shkretëtirat e Afrikës veriore prekin edhe Shqipërinë, si do ndikojë tek temperaturat
E Mërkurë 24 Shkurt 2021, 13:23
TiranaPost
Nje re e madhe pluhuri dhe rëre nga shkretëtirat e Afrikës veriore është ngjitur në Europën perëndimore dhe qendrore ndërsa dje ka zbritur në Alpet e Zvicrës, Austrisë dhe Italisë veriore.
Kjo re pluhuri sipas Meteoalb, zbret nga Alpet drejt Ballkanit duke përfshirë edhe Shqipërinë gjatë kësaj jave.
Megjithëse qarkullimi i masave ajrore në vend vjen nga veriperëndimi, këto masa të nxehta ajrore do të ndikojnë edhe rritjen e temperaturave në rajonin tonë.
Qielli nuk do te jetë krejt i kthjellët pasi prezenca e grimcave të ngurta të shkretëtirës do të mjegullojë kthjelltësinë e qiellit në pjesen më të madhe të Europës dhe Shqipërisë.
*Tiranapost.al.