Tanimë dihet që xhinset e ngushta janë pjesë e së shkuarës, por cili është stili që do t’i zëvendësojë në vitin 2022? Xhinset me bel të ulët, një rikthim i modës së viteve 2000.
Modelet Emily Ratajkowski, Bella Hadid dhe këngëtarja Dua Lipa kanë veshur stile të tilla që nga vera e kaluar.
Edhe Lizzo dhe Kim Kardashian West kanë eksperimentuar me këtë pamje.
Ratajkowski dhe modelet e tjera Kendall Jenner dhe Emily Fox janë parë të gjithë duke provuar 'xhinse tanga'. Në vend të xhinseve me bel të ulët për të treguar të brendshmet, këto i kanë rripat e qepura vetë në brez.
Nuk janë vetëm të famshmit që po i veshin. Kërkimet për xhinse të ulëta janë rritur me 58% nga viti në vit në platformën globale të blerjeve të modës Lyst. Në aplikacionin e rishitjes Depop, kërkimet janë rritur me 36% në tre javët e fundit.
Përveç markave të njohura si Alexander McQueen apo Gucci, edhe markat e reja po e përqafojnë këtë trend.