Video/ Nike ndryshon mesazhin e logos në nder të George Floyd
E Diel 31 Maj 2020, 10:19
TiranaPost
Gjithçka që po ndodh tani në SHBA, është në nder të George Floyd. Amerikanët harruan koronavirusin dhe kanë dalë të tërbuar në rrugë duke u përplasur me policinë, e duke ndezur zjarr ku të munden në shenjë proteste për vrasjen e afro-amerikanit George Floyd, 49 vjeç, i cili u ndalua pse shkoi në dyqan të blinte me një kartëmonedhë 20 dollarëshe false dhe ndërroi jetë nga gjuri që i vendosi një polic në qafë prej më shumë se tetë minutash deri kur dha frymën e fundit.
Gjiganti i veshjeve dhe aksesorëve sportivë Nike ka vendosur që në nder të George Floyd të ndryshojë edhe mesazhin nga Do It: Beje, në For Once Don’t do it:
'Një herë të vetme; mos e bëj. Mos prentendoni se nuk ka asnjë problem në Amerikë. Mos i ktheni shpinën racizmit. Mos pranoni jetët e pafajshme të merren. Mos gjeni më justifikime. Mos mendoni se kjo nuk ndikon tek ju. Mos rrini ulur dhe të heshtni. Le të bëhemi të gjthë pjesë e ndryshimit.
Mesazhi është kundër krimeve për racizëm. A do e bënte policia atë veprim mizor ndaj një amerikani të bardhë? Amerikanët janë të sigurtë që JO!
