Ukrainasja për BBC: S`keni parë ukrainas duke thyer supermarketet për të ikur me bukë. Jemi duke qëndruar fort këtu për të mbrojtur vendin
E Premte 25 Shkurt 2022, 09:10
TiranaPost
Në emisionin e mëngjesit “BBC Breakfast”, zëra dhe dëshmi erdhën nga Ukraina.
Një rezidente nga Kievi tregon nga shtëpia ( ku duken nga pas veshjet) se nuk kanë alternativë tjetër veçse të qëndrojnë në shtëpitë e tyre.
S`kemi ku shkojmë. Duhet të ruajmë pak qetësinë. Nëse do sulmohemi, do zbresim në garazhde, me ujë dhe batanije.
Një tjetër rezidente që flet nga terreni shfaqet më optimiste. Ajo i tregon gazetarës së BBC-së se është krenare për ukrainasit dhe i kujton gazetarëve në studio që nuk kanë parë ukrainas duke hyrë nëpër supermarkete për të marrë ushqime e ikur me të katërta.
“Ne po qëndrojmë këtu, po luftojmë për vendin tonë dhe shoh vetëm optimizëm tek njerëzit”, tha ajo.
Ndërkaq shumë vende të botës po vendosin flamujt e Ukrainës. Protesta ka pasur kundër kësaj lufte edhe në Rusi, në San Petersburg, në solidaritet me ukrainasit që thjesht po kërkojnë të jetojnë në paqe në shtëpitë dhe tokën e tyre.
Ndaj Rusisë janë marrë sanksionet më të rënda ndonjëherë. Janë ngrirë asetet financiare të të gjithë rusëve.
