Sot në Kiev treshja më e fortë e Europës, Macron-Draghi-Scholz
E Enjte 16 Qershor 2022, 07:49
TiranaPost
Kancelari gjerman Olaf Scholz, presidenti francez Emmanuel Macron dhe kryeministri italian Mario Draghi e morën trenin gjatë natës dhe janë rrugës për në Kiev.
Kjo është një foto e të treve bashkë, shkrepur në tren.
Është hera e parë që të tre udhëtojnë në Kiev që nga fillimi i luftës në Ukrainë.
Këtë vizitë e paralajmëroi më herët Macron, por ai e bëri të qartë se detaje të kësaj vizite nuk do të diskutoheshin publikisht.
Që nga fillimi i pushtimit rus në Ukrainë, BE ka marrë masa dhe ka vendosur sanksione ndaj Rusisë dhe oligarkëve rusë. Masa këto që herë pas here janë konsideruar të buta nga Presidenti Zelensky.
