Një nga ndihmësit kryesorë të Putinit jep dorëheqjen, si kundërshtim për pushtimin e Ukrainës
E Mërkurë 23 Mars 2022, 18:40
TiranaPost
Një ndihmës i rangut të lartë i presidentit rus Vladimir Putin ka hequr dorë nga roli i tij si i dërguari i Moskës për klimën, si kundërshtim ndaj pushtimit të Ukrainës.
Bloomberg raporton se Anatoli Chubais kishte dhënë dorëheqjen dhe ishte larguar nga vendi, duke kundërshtuar luftën e Putinit në Ukrainë , sipas dy personave të njohur me situatën.
Që atëherë, Kremlini ka konfirmuar se Chubais është larguar nga roli i tij, pa dhënë asnjë detaj të mëtejshëm.
Javën e kaluar, Arkady Dvorkovich , një ish-këshilltar i lartë ekonomik i ish-presidentit dhe kryeministrit Dmitry Medvedev, dhe zëvendësi i tij dikur, la gjithashtu detyrën e tij si kryetar i Fondacionit Skolkovo.
