Muri i Madh kinez dëmtohet nga punëtorët që kërkonin një rrugë të shkurtër
E Martë 5 Shtator 2023, 19:05
TiranaPost
Një pjesë e Murit të Madh të Kinës është dëmtuar rëndë nga dy punëtorë ndërtimi në provincën qendrore Shanxi, të cilët përdorën një ekskavator për ta gërmuar atë.
Policia thotë se dy personat dyshohet se kanë tentuar të krijojnë një rrugë të shkurtër për punimet e tyre.
Të dy janë ndaluar dhe rasti është nën hetim.
Burri 38-vjeçar dhe gruaja 55-vjeçare po punonin pranë zonës së prekur.
Ata zgjeruan një zgavër ekzistuese të Murit të Madh në mënyrë që ekskavatori i tyre të mund të kalonte nëpër të.
Policia thotë se të dy shkaktuan "dëm të pakthyeshëm në integritetin e Murit të Madh Ming dhe në sigurinë e relikteve kulturore".
