Lufta në Ukrainë në ditën e 28-të: Gjithçka që duhet të dini
E Mërkurë 23 Mars 2022, 10:25
TiranaPost
Presidenti i Ukrainës Volodymyr Zelensky ka akuzuar forcat ruse për kapjen e një autokolone humanitare pranë Mangushit në perëndim të Mariupolit. “Punonjësit e shërbimit të urgjencës shtetërore dhe shoferët e autobusëve janë kapur robër,” tha ai, duke shtuar se “100,000 njerëz në qytet po jetojnë në kushte çnjerëzore. Në një bllokadë totale. Pa ushqim, ujë, ilaçe. Nën granatimet e vazhdueshme, nën bombardimet e vazhdueshme”.
Forcat ruse janë tani brenda Mariupolit tha një zyrtar i lartë i mbrojtjes amerikane. Dy “bomba super të fuqishme” tronditën qytetin të martën edhe pse përpjekjet e shpëtimit po vazhdonin, thanë autoritetet lokale.
Fuqia luftarake e Rusisë në Ukrainë ka rënë nën 90% të niveleve të saj para pushtimit për herë të parë që nga fillimi i sulmit të saj, tha të martën një zyrtar i lartë i mbrojtjes amerikane, duke sugjeruar humbje të mëdha të armatimit dhe viktima në rritje dhe duke përshkruar çështjet morale, komandën dhe problemet e kontrollit, mbështetjen tek rekrutët shkak të ngecjes së avancimit në Kiev.
Zëdhënësi i Kremlinit Dmitry Peskov nuk përjashtoi përdorimin e armëve bërthamore në një intervistë me CNN të martën. Peskov tha se armë të tilla mund të përdoren nëse Rusia përballet me një "kërcënim ekzistencial". Rusia ka stokun më të madh në botë të kokave bërthamore. Pentagoni ndërkohë dënoi ditën e sotme deklaratën e Peskov.
Presidenti amerikan Joe Biden do të niset sot drejt Brukselit, ku pritet të shpallë sanksione të reja kundër Rusisë.
Nënkryetari i forcave policore të Kievit ka akuzuar Rusinë për përdorimin e municioneve me fosfor të bardhë në qytetin Kramatorsk në Donetsk. Oleksiy Biloshytskiy ndau pamje në internet të materialit që digjej. "Një tjetër përdorim i municioneve të fosforit në Kramatorsk," shkroi ai.
Zelensky do të flasë virtualisht në samitin e NATO-s në Bruksel të enjten, ku edhe presidenti amerikan Joe Biden po planifikon të bëjë publike sanksione të reja kundër Rusisë. "Tre samite të rëndësishme janë planifikuar këtë javë: G7, NATO dhe BE," tha ai. “Paketa të reja sanksionesh, mbështetje e re.”
Rreth 300,000 njerëz në qytetin jugor të pushtuar Kherson po mbesin pa ushqime dhe furnizime mjekësore, tha një zëdhënës i ministrisë së jashtme të Ukrainës. Kherson ishte qyteti i parë i madh ukrainas që ra në duart e Rusisë që nga fillimi i pushtimit më 24 shkurt.
Forcat ruse kanë “rrëmbyer” 2,389 fëmijë nga territoret e kontrolluara nga Rusia, Luhansk dhe Donetsk, tha ambasada amerikane në Kiev, duke cituar shifra nga ministria e jashtme e Ukrainës. Ambasada tha: “Kjo nuk është ndihmë. Është rrëmbim.”
Sekretari i përgjithshëm i OKB-së, Antonio Guterres, tha se është koha që Rusia t'i japë fund luftës së saj "absurde" dhe "të pafitueshme" në Ukrainë.
Shtetet e Bashkuara dhe aleatët e saj perëndimorë po vlerësojnë nëse Rusia duhet të mbetet brenda grupimit të ekonomive kryesore të Grupit të Njëzet (G20) pas pushtimit të Ukrainës, thane për Reuters burime të përfshira në diskutime.
Kombet e Bashkuara do të përballen sot me tre rezoluta mbi përkeqësimin e situatës humanitare në Ukrainë pasi Rusia vendosi të thërrasë për votim për rezolutën e Këshillit të Sigurimit që nuk përmend sulmin e saj ndaj Ukrainës.
