Ligji kundër abortit nisi të japë efektet. Një grua akuzohet se ndihmoi vajzën adoleshente të abortojë
E Mërkurë 10 Gusht 2022, 09:27
TiranaPost
Një grua nga Nebraska është akuzuar se ka ndihmuar vajzën e saj adoleshente t'i japë fund shtatzënisë 24 javëshe. Hetuesit zbuluan disa mesazhe në Facebook në të cilat të dyja diskutonin mbi përdorimin e ilaçeve për të nxitur një abort dhe bënin plane për ta djegur fetusin më pas.
Në një nga mesazhet në Facebook, Jessica Burgess, 41 vjeç, i thotë vajzës së saj 17-vjeç se ajo ka marrë pilula për abortin për të dhe i jep udhëzimet se si t'i pijë ato për t'i dhënë fund shtatzënisë.
Ndërkohë, vajza i përgjigjet se mezi pret ta nxjerrë atë gjë nga trupi i saj.
Kur u intervistuan për herë të parë, të dyja u thanë hetuesve se adoleshentja e kishte lindur të vdekur foshnjën. Ato thanë se e futën fetusin në një qese dhe e vendosën në një kuti në pjesën e pasme të furgonin e tyre, dhe më vonë e varrosën.
Nga ekspertiza e bëri ndaj fetusit, rezulton se është tentuar të digjet, pas abortit, pasi kishte plagë termike dhe se ishte më shumë se 23 javësh.
Tani nënë e bijë akuzohen për ndërprerjen e shtatzënisë.
