Ky nuk është Nju Jorku që shihni në kartolina
E Mërkurë 7 Qershor 2023, 11:59
TiranaPost
Paralajmërimet për cilësinë e ajrit me rrezik të lartë janë lëshuar për miliona njerëz në të gjithë Amerikën e Veriut për shkak të zjarreve të vazhdueshme në Kanada.
Tymi i zjarrit ka mbuluar qytetet kryesore në Ontario dhe Quebec, duke përfshirë Toronton dhe zonat përreth.
Tymi ka arritur deri në Nju Jork dhe Connecticut, ku ajri është klasifikuar i pashëndetshëm.
Pjesa më e madhe e tymit vjen nga Quebec, ku janë identifikuar 160 zjarre.
Environment Canada lëshoi paralajmërimin e saj më të fortë të martën për Otavan, duke e konsideruar cilësinë e ajrit në kryeqytetin kanadez një "rrezik shumë të lartë" për shëndetin e njerëzve.
Këshillimet për cilësinë e ajrit përfshijnë pjesën më të madhe të qytetit të Nju Jorkut dhe Connecticut. Ato shtrihen gjithashtu deri në veri deri në Boston dhe në jug deri në Pittsburgh dhe Ëashington DC.
Në Nju Jork, fotot e marra të martën në mëngjes treguan një mjegull portokalli që mbulonte horizontin e qytetit për shkak të tymit të zjarrit nga Kanadaja që ka udhëtuar në jug.
Zyrtarët e shëndetit publik kanë paralajmëruar njerëzit që të minimizojnë ekspozimin ndaj tymit sa më shumë që të jetë e mundur, pasi ajri paraqet rreziqe të menjëhershme dhe afatgjatë për shëndetin.
