Kush është Ben Wallace, kandidati që mund të zëvendësojë Jens Soltenberg për drejtimin e NATOS
E Hënë 5 Qershor 2023, 14:05
TiranaPost
Mediat britanike shkruajnë se kryeministri britanik Rishi Sunak do të përdorë udhëtimin e tij 2-ditor në Uashington këtë javë për të bindur presidentin Joe Biden të mbështesë Sekretarin e Mbrojtjes të Britanisë së Madhe, Ben Wallece për t’u zgjedhur në krye të NATO-s.
Ben Wallace ka shprehur tashmë publikisht interesimin për të marrë drejtimin e aleancës perëndimore të mbrojtjes, kur posti të mbetet vakant në shtator.
Kush është Ben Wallace?
Lindur më 15 maj 1970,Wallace është një politikan britanik dhe ish-ushtar i cili ka shërbyer si Sekretar i Shtetit për Mbrojtjen që nga viti 2019. Ai ka qenë deputet (MP) për Wyre dhe Preston North që nga viti 2005.
Në përfundim të Zgjedhjeve të përgjithshme të vitit 2015, ai u bë Nënsekretar Parlamentar i Shtetit për Zyrën e Irlandës së Veriut. Në vitin 2016, ai u emërua Ministër i Shtetit për Sigurinë dhe Krimin Ekonomik nga Theresa May, duke mbajtur këtë pozicion derisa ajo u largua nga detyra në korrik të 2019. Një mbështetës i Boris Johnson, Wallace u emërua në rolin e lartë të Sekretarit të Shtetit për Mbrojtjen, pasi Johnson u bë kryeministër. Ai vazhdoi detyrën nën Liz Truss dhe Rishi Sunak.
Para politikës, ai mbante gradën e kapitenit në Gardën Skoceze.
