Kim Jong Un udhëton në Rusi për t’u takuar me Putin
E Martë 12 Shtator 2023, 12:27
TiranaPost
Udhëheqësi i Koresë së Veriut, Kim Jong Un, ka mbërritur në qytetin lindor Vladivostok të Rusisë për bisedime me Vladimir Putin. Ai ka udhëtuar gjatë natës me trenin e tij të blinduar, thonë raportimet.
Kremlini ka konfirmuar se takimi mes dy liderëve do të zhvillohet për të diskutuar për çështjet rajonale dhe globale, pas përfundimit të Forumit Ekonomik Lindor.
Të dyja vendet pritet të finalizojnë një marrëveshje armësh që mund të bëjë që Pheniani të furnizojë armë për luftën e Rusisë në Ukrainë. Nga na tjetër Koreja e Veriut mund të marrë ndihmën humanitare nga Rusia.
Ky është udhëtimi i parë i Kim jashtë vendit në katër vjet, ai u takua për herë të fundit ballë për ballë me Putin në vitin 2019.
