Atentati i dytë i dështuar ndaj tij, reagon Donald Trump
E Hënë 16 Shtator 2024, 12:29
TiranaPost
Ish-presidenti Donald Trump ka reaguar pas atentatit të dështuar që ishte organizuar ndaj tij, teksa po luante golf në West Palm Beach, Florida.
“Do të doja t’i falënderoja të gjithë për shqetësimin dhe urimet tuaja, sigurisht që ishte një ditë interesante! Më e rëndësishmja, dua të falënderoj Shërbimin Sekret të SHBA-së, Sherif Ric Bradshaw dhe Zyrën e tij të Patriotëve të guximshëm dhe të përkushtuar, si dhe të gjithë Forcat e Zbatimit të Ligjit, për punën e jashtëzakonshme të bërë sot në ‘Trump International’ për të më mbajtur mua, si presidentin e 45-të të Shteteve të Bashkuara dhe kandidatin republikan në zgjedhjet e ardhshme presidenciale, të sigurt”, ka shkruar Trump.
