Dështimi katastrofik në Qendrën Kërkimore vret rreth 21 mijë peshq
E Diel 14 Gusht 2022, 10:16
TiranaPost
Rreth 21,000 peshq kanë ngordhur në një qendër kërkimore dhe kujdesi universitare në Kaliforni, pas asaj që shkolla e quajti një 'dështim katastrofik'.
“Humbja duket se ka ardhur për shkak të ekspozimit ndaj klorit, ndaj të cilit peshqit janë veçanërisht të ndjeshëm”, thuhet në deklaratën e qendrës kërkimore.
Institucioni është ende duke hetuar se çfarë shkoi keq. Po bëhet gjithashtu një hetim i jashtëm i pavarur.
Studiuesit po hetonin se si 'stresuesit mjedisorë' mund të ndikojnë në specie të ndryshme peshqish, duke përfshirë blinë jeshile dhe të bardhë dhe salmonin chinook - disa popullata të të cilat janë të rrezikuara.
