Lajme nga Bota

Dënohet me 21 vite burg polici që vrau afroamerikanin George Floyd

Dënohet me 21 vite burg polici që vrau afroamerikanin George Floyd

Është dhënë dënimi për Derek Chauvin. 21 vite burg me akuzën për shkeljen e të drejtave civile të George Floyd.

“Unë realisht nuk e di pse e bëre atë që bëre. Të vendosësh gjurin në qafën e një personi derisa të mos marrë më frymë është thjesht e gabuar. … Sjellja jote ishte e gabuar dhe fyese”, tha Gjykatësi.

Dënohet me 21 vite burg polici që vrau afroamerikanin George Floyd

Si ndodhi historia?

Ishte 25 maj i vitit 2020. Një telefonatë nga një market në Minneapolis denoncoi për dikë që po përpiqej të paguante me para falso. Ishte George Floyd (emri i tij do të bëhej i njohur më vonë).

Para dyqanit mbërriti makina e policisë: Derek Chauvin me dy kolegë.

Ai e shtriu përtokë Floyd, i vuri gjurin në qafë dhe e mbajti ashtu për më shumë se 9 minuta.

Floyd rënkonte dhe lutej për ajër duke thënë: “I can`t breathe”, derisa vdiq.

Ngjarja që nxiti lëvizjen masive #Blacklivesmatters

Pas kësaj historie, në Amerikë shpërtheu një valë protestash nën hashtagun #Blacklivesmatters, duke qenë se Floyd ishte me ngjyrë. Kjo u pa si një arsye më shumë për reagimin e oficerit të policisë Chauvin.