Biden dhe Putin bien dakord të takohen gjatë kësaj jave
E Hënë 21 Shkurt 2022, 08:12
TiranaPost
Shtetet e Bashkuara vazhdojnë të paralajmërojnë se Rusia mund të pushtojë Ukrainën për shkak të tensioneve të përshkallëzuara në rajon.
Presidenti Joe Biden tha në një konferencë për gazetarët, se kërcënimi është shumë i lartë.
Më shumë se 150,000 trupa ruse gjenden pranë kufijve të Ukrainës, thanë zyrtarët amerikanë. Ndërsa presidenti rus Vladimir Putin dhe Kremlini pretendojnë se disa trupa kanë filluar të tërhiqen, Biden u tha gazetarëve se më shumë forca ruse kanë hyrë, në kundërshtim me pretendimet e Moskës.
Mbetet e paqartë nëse Putin ka marrë një vendim për të sulmuar fqinjin e tij ish-sovjetik, por gjatë kësaj jave ka rënë dakord të takohet me presidentin amerikan Biden.
