BE miraton paketën e katërt të sanksioneve ruse: Ndalim udhëtimi dhe ngrirje të aseteve edhe për Abramovich
Tuesday 15 March 2022, 10:02
TiranaPost
BE-ja ka rënë dakord zyrtarisht këtë mëngjes për një paketë të katërt sanksionesh, duke përfshirë një ngrirje të aseteve dhe ndalimin e udhëtimit për Roman Abramovich.
Sipas The Guardian sanksionet përfshijnë:
Një ndalim të importit nga BE për një sërë produktesh çeliku.
Ndalimi i investimeve të reja në sektorin energjetik rus, me përjashtime të kufizuara për energjinë bërthamore civile dhe transportin e produkteve të caktuara energjetike në BE.
Ndalim eksporti të BE-së për mallrat luksoze (p.sh. makina luksoze, bizhuteri).
Sanksionet pasojnë diskutimet midis liderëve të BE-së në Versajë të enjten dhe të premten.
Josep Borrell, shefi i çështjeve të jashtme të BE-së, tha:
Ndërsa lufta e Presidentit Putin kundër popullit ukrainas vazhdon, po ashtu vazhdon vendosmëria jonë për të mbështetur Ukrainën dhe për të gjymtuar financimin e makinerisë së luftës së Kremlinit.
Kjo paketë e katërt sanksionesh është një tjetër goditje e madhe për bazën ekonomike dhe logjistike mbi të cilën mbështetet Rusia për të kryer pushtimin e Ukrainës.
Qëllimi i sanksioneve është që Presidenti Putin të ndalojë këtë luftë çnjerëzore dhe të pakuptimtë.
Tiranapost.al
