20 euro taksë për turistët që vizitojnë Mykonos dhe Santorinin
E Hënë 9 Shtator 2024, 14:09
TiranaPost
Kryeministri grek Kyriakos Mitsotakis të dielën njoftoi se një tarifë prej 20 euro do të vendoset për turistët që vizitojnë ishujt e njohur të Mykonos dhe Santorini.
Ishulli turistik i Santorinit është një ndalesë e preferuar për lundrime,por në momentet e pikut, pjesë të ishullit janë të mbipopulluara me turistë dhe zyrtarët kanë marrë në konsideratë kufizime të ndryshme.
I pyetur për mbiturizmin në Panairin Ndërkombëtar të Selanikut, Mitsotakis tha se Greqia ka një "një problem në destinacione të caktuara disa javë ose disa muaj të vitit" për sa i përket turizmit.
“Industria e lundrimit ka vënë një tendosje në Santorini dhe Mykonos, kështu që tarifa do të jetë 20 euro”, shtoi ai.
Vitin e kaluar, rreth 800 anije lundrimi sollën rreth 1.3 milionë pasagjerë në ishullin me vetëm 15,500 banorë, sipas Shoqatës Helenike të Porteve.
