Lajme nga Bota

1 muaj nga pushtimi rus: Zelensky bën thirrje për protesta në mbarë botën në mbështetje të Ukrainës

1 muaj nga pushtimi rus: Zelensky bën thirrje për protesta në
Më 24 shkurt filloi pushtimi rus i Ukrainës, dhe një muaj pas sulmeve të vazhdueshme Presidenti Volodymyr Zelensky ka bërë thirrje për demonstrata në mbarë botën në mbështetje të Ukrainës.

Me anë të një fjalimi të postuar në Facebook të mërkurën në mbrëmje Zelensky tha:.

"Më thyen zemrën, zemrat e të gjithë ukrainasve dhe çdo njeriu të lirë në planet. Prandaj ju kërkova që të qëndroni kundër luftës duke filluar nga 24 marsi, fiks një muaj pas pushtimit rus. Nga kjo ditë dhe pas kësaj, qëndroni në këmbë, dilni nga zyrat tuaja, shtëpitë tuaja, shkollat ??dhe universitetet tuaja, dilni në emër të paqes, dilni me simbolet ukrainase për të mbështetur Ukrainën.

Zelensky tha se pushtimi rus i Ukrainës është një luftë kundër lirisë dhe se Rusia synon të mposhtë lirinë e të gjithë Evropës dhe botës.

"Për të mbështetur lirinë, për të mbështetur jetën. Dilni në sheshet, rrugët tuaja, bëhuni të dukshëm dhe sigurohuni të dëgjoheni. Tregoni se njerëzit kanë rëndësi, liria ka rëndësi, paqja ka rëndësi, Ukraina ka rëndësi," tha Zelensky.

Zelensky i kërkoi botës të bashkohet kundër pushtimit të Rusisë, pasi Rusia nuk po lufton vetëm kundër Ukrainës, kuptimi i kësaj lufte është shumë më i gjerë.