Shtatë persona u plagosën dhe dy prej tyre janë në gjendje kritike për jetën.
Agresori përhapi zjarr me armë në një autobus në Jeruzalem natën e djeshme,
Ngjarja është konsideruar si sulm terrorist.
Policia ka nisur kërkimet për kapjen e autorit.
Gjashtë burra dhe një grua u plagosën në sulm. Të gjthë ndodhen në spital.
Shoferi i autobusit Daniel Kanievsky e përshkroi skenë kaotike kështu:
“Po vija nga Muri Perëndimor. Autobusi ishte plot me pasagjerë. U ndala në stacionin e Varrit të Davidit. Në këtë moment kanë nisur të shtënat. Dy persona jashtë i shoh duke rënë përtokë, dy brenda ishin gjakosur. Të gjithë i kapi paniku”.
Tensionet e fundit
Të shtënat vijnë rreth një javë pas një konflikti tre-ditor midis Izraelit dhe militantëve të Xhihadit Islamik.