Identifikohet viktima e atentatit të mbrëmshëm. Si ndodhi ngjarja?
E Hënë 4 Prill 2022, 07:22
TiranaPost
Viktima e atentatit të mbrëmshëm është identifikuar si Iljaz Cali. 37-vjeçari banues në Rinas i Ri ka mbetur i vrarë dje pak para mesnatës, teksa është qëlluar nga një makinë në lëvizje.
Ngjarja ndodhi në rrugën dytësore Tiranë-Durrës.
Policia në fillim gjeti makinën me trupin e pajetë dhe u dyshua për aksident, por më pas, nga prania e gëzhojave në vendngjarje e cilësuan si vrasje.
Në automjet dyshohet se ka qenë edhe një pasagjer, por është larguar para se të mbërrijë policia. Ky dyshim ka lindur pasi dera e pasagjerit është gjetur e hapur.
Motivet e kësaj vrasje janë nën hetim.