Atentat me armë zjarri në Elbasan! Një person ekzekutohet brenda makinës së tij, plagoset bashkëshortja
E Martë 11 Maj 2021, 20:22
TiranaPost
Një tjetër vrasje është regjistruar mbrëmjen e sotme në qytetin e Elbasanit. Sipas raportimeve paraprake një person i quajtur Everes Çaka 41 vjeç, është ekzekutuar brenda makinës së tij në lagjen “Skënderbej” të këtij qyteti.
Bashkë me të në makinën tip "Opel" udhëtonte dhe bashkëshortja e tij Silvana Çaka e cila është plagosur dhe ndodhet aktualisht nën kujdesin e mjekëve në Spitalin e Elbasanit, jashtë rrezikut për jetën.
Forca të shumta policie kanë shkuar në vendngjarje dhe po punojnë për kapjen e agresorëve dhe zbardhjen e rrethanave të plota të vrasjes.
Tiranapost.al