Kosova

Vuçiç paralajmëroi vaksinim kundër Covid në Mitrovicë, reagon qeveria e Kosovës

Vuçiç paralajmëroi vaksinim kundër Covid në

Qeveria e Kosovës ka reaguar pas paralajmërimit të kryeministrit serb Aleksandar Vuçiç se qytetarët serbë në veri të Kosovës do të vaksinohen kundër Covid.

Në reagimin kryeministrit Ambdullah Hoti thuhet se qeveria dhe Policia kufitare nuk kanë informacione për futjen e vaksinave në Kosovë, ndërsa shton se do të marrin masa nëse këto vaksina kanë hyrë në Kosovë përmes rrugëve ilegale.

Reagimi i plotë:

Qeveria e Republikës së Kosovës njofton opinionin se në bazë të informatave nga Dogana dhe nga Policia Kufitare, nuk ka të dhëna se në rrugë zyrtare - legale, në territorin e Kosovës kanë hyrë vaksinat kundër Covid-19, për të cilat është thënë se u janë shpërndarë qytetarëve në veri të vendit.

Nëse, këto vaksina kanë hyrë në Kosovës përmes rrugëve ilegale, atëherë institucionet e Kosovës do të ndërmarrin masat e nevojshme ligjore ndaj personave të përfshirë në këtë aktivitet ilegal, kontrabandim me barëra.

Përndryshe institucionet e Kosovës nuk kanë pasur asnjë komunikim zyrtar me institucionet e Serbisë lidhur me këtë çështje, as të drejtpërdrejtë përmes Zyrave Ndërlidhëse të të dyja vendeve e as me ndërmjetësimin e bashkësisë ndërkombëtare.

Çdo produkt mjekësor që hyn në Republikën e Kosovës duhet t’i nënshtrohet rregullave të importit, qoftë ai donacion apo import i rregullt, duke pasur autorizim- marketing për produktin, të lëshuar nga AKPPM (Agjencia e Kosovës për Produkte dhe Pajisje Medicinale). Nëse një produkt nuk e respekton këtë procedure të rregullt, ai konsiderohet produkt ilegal. Ndërsa organet kompetente ndërmarrin veprimet e duhura ligjore.