Kosova

Albin Kurti për marrëveshjen e Targave: Vuçiç vuri 4 kushte por nuk iu plotësuan. Tani fillon epoka e reciprocitetit

Albin Kurti për marrëveshjen e Targave: Vuçiç vuri 4

Kryeministri i Kosovës reagon pas presidentit serb Aleksandër Vuçiç dhe BE-së për marrëveshjen e përkohshme për targat që u arrit në Bruksel. Me një postim në Facebook, Albin Kurti thotë se tani fillon epoka ku Serbia mësohet me reciprocitet, ndërsa zbulon se presidenti i Kosovës vuri 4 kushte para takimit në Bruksel, por nuk iu plotësuan.

Albin Kurti:
Reciprociteti i targave të automjeteve është vendosur. Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë. Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë. Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen. Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt.
Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet.

Marrëveshja:

Nga 2 tetori hiqen forcat ushtarake në barrikadat Jarinjë dhe Brnjak. Nga 2 Tetori, Njësia Speciale do zëvendësohet nga forcat e KFOR-it për një periudhë dy javore.

Nga 4 tetori Kosova dhe Serbia do përdorin afishe/letra ngjitëse si targa për automjetet, si masë e përkohshme për të ulur tensionet dhe vijimin e dialogut.

Më 21 Tetor do ketë sërish bisedime për zgjidhjen e përhershme të çështjes.

*Tiranapost.al