Veshja më komode dhe e kërkuar e momentit? Pantallonat e shkurtra të boksit
E Mërkurë 27 Korrik 2022, 11:05
Tiranapost
Nga Emi Seiti/ Këto dizajne të pantallonave të shkurtra me bel të lartë janë ‘hiti’ i momentit.
Tenis, alpinizëm, çiklizëm dhe tani boks. Sportet janë bërë një burim i pashtershëm frymëzimi për industrinë e modës. Prej disa sezonesh kemi parë sesi kodet e veshjes të çdo disipline sportive janë riinterpretuar nga pasarela për t’i përshtatur ato në rrugë.
Rezultati ka qenë një pamje urbane. Që nga bluzat e tenisit me mëngë të gjata deri tek atletet sportive.
Në verën e vitit 2022, veshja që dominon në gardërobë janë pantallonat e shkurtra të boksit, një dizajn me bel elastik që pati edhe përfaqësimin e tij në pasarelat e koleksionit të Dior për këtë sezon.
