Prada rikthen çantën legjendare të viteve 2000
E Hënë 16 Maj 2022, 12:53
Tiranapost
Nga Emi Seiti/ Ishte fillimi i viteve 2000 kur Miuccia Prada vendosi të krijojë industrinë e modës së aksesorëve. Ajo përdori copë najloni, e lartësoi dhe e çoi në pasarelë. Kështu lindi çanta legjendare najloni hobo nga Prada e cila sot për pranverë verë 2022 është veshur me një material të ri dhe merr një bukuri dhe pamje të re, verore, të freskët.
Protagoniste e tendencave të sotshme është çanta mini hobo, me një rrip në sup, një Prada Re-edition 2005 me shpirt gazmor, formë të ekulibruar dhe teksturë të punuar me dorë me vija vertikale, në nuancat e kremit dhe baby blue-së. Modeli me vija i kësaj çante është gjithashtu i ngjyrosur me ngjyrën rozë, varianti delikat kombinon kafen e hapur me një nuancë të këndshme rozë pastel.
Çanta mini-clutch ideale për të mbajtur gjërat tuaja minimale. Zinxhiri për të mbyllur cantën e dallon këtë aksesor, një material i lehtë me origjinë natyrale, e cila të çon në mendjen drejt destinacioneve më të nxehta, ditëve më të ngrohta dhe shkon në mënyrë perfekte me fustane-këmishë maxi, bikini me ngjyra dhe funde.
Format historike dhe minimaliste të së shkuarës kombinohen me humori veror dhe materialet më të rafinuara, një komponent themelor i labelit të modës milaneze. Kështu hapet sërish kapitulli i verës për botën e luksit.
