Ky element i gardërobës ju duhet për të kaluar me stil nga dimri në pranverë
Nga Emi Seiti/ Palltoja e bardhë do të na shoqërojë në ndërrimin e stinëve, kur të largohet dimri dhe të vijë pranvera. Vishni një pallto të bardhë dhe është pranverë menjëherë.
Kjo pallto ka një ndjenjë të sofistikuar, prandaj ajo bëhet gjithmonë protagoniste e veshjeve që vajzat e admirojnë, pa qenë nevoja e ngjyrave të ndezura dhe aksesorëve të tepruar. Ajo gjithashtu tërheq vëmendje për idenë e pastërtisë që krijon dhe sigurisht për të mos harruar është një element që kombinohet me gjithçka.
Chiara Ferragni (gjatë javës së modës në Paris), postoi një foto me një look të thjeshtë si palltoja e bardhë, çorape rrjetë dhe sytjena të zeza.
Si ta veshim pallton e bardhë si street style:
Do të filloja me propozimin bardhë e zi, i cili dihet që është një kombinim fitues. Mund të ketë hapësirë dhe për kombinime ku e bardha dhe e zeza alternojnë duke krijuar vija të çrregullta etj.
Po me ngjyra?
Nëse doni ngjyrat dhe ashtu vendosni të shprehni personalitetin tuaj, ju këshilloj të kopjoni këtë lloj trendi: Pizhame me një ngjyrë të ndezur me një palë mokasina ose një palë xhinse të gjera më një këmishë bojëqielli tepër elegante.
Mbase nuk vjen me një lule, por me një pallto të bardhë, pranvera vjen!