Cila është stilistja që i ka rrëmbyer vëmendjen Elvana Gjatës
E Diel 27 Shkurt 2022, 19:09
TiranaPost
Nga Emi Seiti/ Sara Wong, stiliste me një sfond ndërkombëtar duke filluar nga financa te moda, u frymëzua për pranverën-verën 2021 nga piktori dhe artisti francez i shekullit të 18-të Francois Boucher, që përmes një sërë veprash përvetësoi temat kineze në stilin e tij Rokoko me vëmendje të vecantë për dinastinë e fundit.
Në të njëjtën mënyrë Sara Wong donte të përpiqej të përziente kulturen lindore dhe europiane: në detaje si (kopsa, perla, dhe stoli) dhe në forma gjejmë elemente të shkrirjes midis artit mbretëror të dinastisë Qing dhe modës europiane të viteve 1700, për t’u dhënë atyre formën e porcelanit të lashtë dhe siluetat që i referohen fansave ikonë.
Ekziston dhe feniksi, një simbol i fuqisë së gruas në kulturën orientale, i cili riprodhohet në pëlhura.
Materialet përfshijnë jacquard, dantella, kadife dhe paleta e ngjyrave përfshin nuancat e buta dhe të gjalla tipike të stinës së verës si e verdha, jeshile, portokalli dhe blu. Koleksioni mund të përshkruhet shumë mirë me këto fjalë: shkrirje, ekulibër, qëndrueshmëri dhe unike.
Sara Wong vitin e kaluar debutoi në Javën e Modës në Milano me një event dixhital të organizuar në bashkëpunim me Vogue Italia, i cili përfshiu publikun italian dhe ndërkombëtar me një përmbajtje të rimenduar në një hapësirë të re dhe në një formë të re.
Marka ka disa kohë që përshkruan në mënyrë dixhitale koleksionet e saj, përmes strategjive kreative dhe transmetimit të drejtpërdrejtë.
Me rastin e Javës së Modës në Milano, Sara ka zgjedhur revistën Condé Nast për të vazhduar eksplorimin e botës dixhitale, por me një sy drejt tregut ndërkombëtar.
Drejtoresha kreative Sara Wong ka përzgjedhur 8 talente ndërkombëtare nga vende të ndryshme të botës për të prezantuar koleksionin e saj të përbërë nga 20 look-e.
Ja pse dhe Elvana vendosi të vishej me Sara Wong për koleksionin e saj 22/23.
