Të martohesh me dashurinë e gjimnazit, 70 vite më vonë. Historia që ua kalon Borëbardhës e Hirushes
E Martë 14 Maj 2024, 10:00
TiranaPost
Kjo histori ua kalon edhe atyre të përrallave, se kjo është reale.
Elaine Hall nuk e kishte veshur kurrë fustanin e bardhë, as kur u martua pas mbarimit të gjimnazit.
70 vjet më vonë, kur u ritakua me shokun e gjimnazit u bë edhe nuse.
Ishte festa e 50-vjetorit të përfundimit të gjimnazit që ritakoi shokët e vjetër që ishin dashur në heshtje dhe nuk ishin lidhur kurrë.
Të dy ishin martuar, kishte sjellë në jetë fëmijë dhe tashmë 88 vjeç, 74 vite pas ditës kur u njohën, u ngjitën në altar.
Në fillim ajo refuzoi të vishte fustanin e bardhë, por vajzat e saj e morën vetë përsipër organizmin e ceremonisë.
Dhëndri Roland Passaro tregon për herën e parë kur e pa në klasën e 9-të: “Kur e pashë në klasën e 9-të, m`u duk shumë e bukur dhe madje emocionuese, Në ditët e sotme i thotë hot”, thotë ai me humor.
Ajo ishte nxitëse e tifozëve në atë kohë, kurse ai ishte ylli i ekipit të bejsbollit. Hall kujton se kishte një kimi mes tyre, por që kurrë nuk patën lidhje.
Shoqëroheshin në festa, kërcenin bashkë, por nuk patën kurrë një takim vetëm për vetëm, date, siç i thonë.
Pas shkollës së mesme, Hall u martua me një burrë tjetër në moshën 18-vjeçare.
Ajo kishte tre fëmijë dhe punonte në gazetën lokale. Martesa nuk funksionoi dhe Hall u divorcua në vitin 1975. Ajo qëndroi beqare për 28 vite.
“Ka pasur gjithmonë një vend të veçantë në zemrën time për Rolandin gjatë gjithë atyre viteve,” kujton Hall. “Shpesh pyesja veten se si ai ishte, nëse ishte i lumtur, nëse kishte një jetë të mire”.
Roland Passaro, ndërkohë, shkoi në kolegj pas shkollës së mesme dhe luajti bejsboll profesionist, por një dëmtim i shtyllës kurrizore i dha fund karrierës së tij atletike. Ai u martua me një grua tjetër, solli në jetë tre djem dhe u transferua në Miami për të punuar në një linjë ajrore. Në vitin 2002 gruaja e tij dhe një nga djemtë e tij vdiqën brenda 10 muajsh nga njëri-tjetri.
Vitin tjetër, në 2003-shin, të dy Hall dhe Passaro morën pjesë në ribashkimin e tyre të 50-të të shkollës së mesme në Allentoën, Pensilvani.
Ata e njohën njëri-tjetrin menjëherë, ndjenë kiminë mes tyre dhe shkëmbyen adresat e email-it. Në fund të festës ai e puthi papritur.
Fillimisht mbajtën një lidhje në distancë, deri në Krishtlindjet e 2004-ës kur Hall u transferua tek ai, në Miami.
Ata e shijuan lidhjen e tyre, por nuk e diskutuan martesën për gati 20 vjet. Derisa vendosën që dashurinë e përjetshme ta celebronin këtë maj.
