Me ikjen e dimrit thuajse të gjitha femrat duan të bëjnë ndryshime në pamje, qoftë një lyerje flokësh ose një prerje për të qëndruar në një hap me tendencat e fundit të pranverës.
Duke lënë mënjanë gjatësinë, strukturën dhe madje edhe trendet, stilistët më në zë thonë që flokët të pranverës duhet të jenë edhe argëtuese në një farë forme e të na tregojnë më të gjalla, prandaj përgjithësisht preferohen modelet e çrregullta dhe të shkurtra.
Për me tepër shikoni këto gjashtë trendet kryesore të prerjeve të flokëve që stilistët e famshëm thonë se do të mbizotërojnë këtë sezon.
Të gjitha llojet e balukeve
Baluket janë kthyer fuqishëm. Mund tqë zgjidhni prerje nga më të ndryshmet, baluke të gjata, të shkurtra ose të çrregullta.
Shkallëzimi
Këtë pranverë, shkallëzimet mund t’i bëni në forma të ndryshme: shkallëzim të theksuar, vetëm në fund të flokëve, ose të theksuar në pjesën e përparme të flokëve..
Bob i butë
Vitet '90 vazhdojnë ende të ndikojnë në modelet e prerjeve të flokëve dhe modeli bob preferofet ende nga shumë femra. Qëndroni te prerjet që duken të freskëta: pa vija të mprehta, të forta ose të hapura.
Piksi
Është një miks i prerjes bob dhe pixie! Stilistët e konsiderojnë mënyrën e përsosur për të hequr majat e djegura, flokët e dëmtuar dhe për t'i bërë të duken më të shëndetshëm dhe rinorë.
Shag elegant
Miley Cyrus dhe Billie Eilish janë ndër ata që demonstrojnë fuqinë e shag-it bashkëkohor, një prerje e rëndë zakonisht deri te supet.
Bohemian Blunt
Kjo është një prerje klasike e cila mund t’i përshtatet shijeve të atyre femrave që nuk duan të shkurtojnë gjatësinë e flokut, por në të njëjtën kohë të duken bukur.
Tiranapost.al
