Bukuria

Mesazhi i Papa Françeskut për ndërhyrjet estetike: Mos i fshihni rrudhat, rinia e përjetshme është obsesion që mbaron shpejt

Mesazhi i Papa Françeskut për ndërhyrjet estetike: Mos i

Para njerëzve që ishin mbledhur në një shesh të Romës për të dëgjuar fjalën e tij, Papa Françesku e vuri theksin tek një nga tendencat e kohës, tek dëshira për të ruajtur rininë e përjetshme.

Mesazhi i Papa Françeskut për ndërhyrjet estetike: Mos i
Anna Magnani

Papa citoi një aktore italiane për të treguar se dëshira për të qenë i ri përjetë është një obsesion që merr fund shpejt e se ajo që vlen më shumë është mënyra si ndihesh.

“Koha jonë dhe kultura jonë po tregon një tendencë shqetësuese që e konsideron lindjen e një fëmije si një çështje të thjeshtë të riprodhimit biologjik të qenies njerëzore, dhe më pas kultivojnë mitin e rinisë së përjetshme si obsesion. Pse plakja përçmohet? Sepse sjell prova të pakundërshtueshme të rrëzimit të këtij miti, që do të na bënte të ktheheshim në barkun e nënës, për të qenë përjetësisht të rinj në trup.

Miti është se me shpresën për të mposhtur vdekjen, mund ta mbajmë trupin gjallë me ilaçe dhe kozmetikë, të cilat ngadalësojnë, fshehin, largojnë plakjen. Sigurisht, mirëqenia është një gjë, ushqimi mistik është një tjetër. Megjithatë, nuk mund të mohohet se ngatërrimi i të dyjave po na shkakton konfuzion mendor.

Më kujtohet një aktore e mençur italiane, Anna Magnani, e cila thoshte ‘mos m`i prek rrudhat, m’u deshën kaq shumë vite për t’i krijuar’. Rrudhat janë simbol i përvojës, i jetës. Simbol i një pjekurie. Heqja e tyre ju bën të rinj në fytyrë, por ajo që na intereson është zemra, personaliteti, që është si vera e mirë që përmirësohet me kalimin e kohës.

Rinia e përjetshme është një obsesion. Njeriu në mënyrë të pashmangshme plaket, ëndrra e një rinie të përjetshme zhduket përfundimisht”, tha Papa gjatë fjalës së tij në Romë, tha Papa gjatë fjalës së tij në Romë.