Presidenti Zelensky është takuar me mbretin Charles në Pallatin Buckingham, si pjesë e vizitës së tij në Mbretërinë e Bashkuar.
Kjo është hera e parë që Mbreti Charles takon Presdentin e Ukrainës.
Zelensky ka thënë pas takimit se i është mirënjohës mbretit Charles për “mirëpritjen e ngrohtë” këtë pasdite dhe për “mbështetjen e qytetarëve ukrainas që janë strehuar në Mbretërinë e Bashkuar”.
“Është nder për mua që të jem presidenti i parë i Ukrainës në historinë e marrëdhënieve ukrainas-britanike që do të nderohem nga monarku britanik me një audiencë”, shkroi Zelensky në Instagram.
Mbreti Charles ka mbështetur që prej fillimit të luftës Ukrainën.
Pas pushtimit rus, Princi i atëhershëm i Uellsit dënoi “agresionin brutal” në një gjuhë shumë më të fortë se tonet mbretërore zakonisht neutrale.
Mbreti vendosi të vizitojë komunitetin ukrainas në Mbretërinë e Bashkuar dhe të takojë ata që ndihmojnë refugjatët.
Charles ishte i pari mbretëror që shkoi në rajonin ku miliona refugjatë po kalonin kufirin nga Ukraina, në një vizitë të papritur në Rumani majin e kaluar.
Presidenti Zelensky zhvilloi sot vizitën e tij të parë jashtë vendit që nga pushtimi i Ukrainës pothuajse 12 muaj më parë.
Ai takoi kryeministrin Rishi Sunak dhe më pas u nis në Doëning Street dhe Ëestminster, ku ai iu drejtua të dy dhomave të Parlamentit.
Që kur Rusia pushtoi Ukrainën në shkurt të vitit të kaluar, Britania e Madhe ka shpenzuar 2.3 miliardë paund për ndihmën ushtarake, duke e bërë atë donatorin e dytë më të madh pas SHBA-së.