Art dhe Kulturë

TKOB deklaratë për mungesën e Inva Mulës: Kemi nisur tre emaile. Sqarimi ynë që të shmangen keqinterpretimet

TKOB deklaratë për mungesën e Inva Mulës: Kemi nisur tre

Mbrëmja Gala e Teatrit të Operas dhe Baletit u shoqërua edhe me një situatë që u shkaktua nga mungesa e artistes Inva Mula. Sopranoja shqiptare me famë botërore mungoi në inaugurimin e Rikonstruksionit të TKOB. Në fillim u mendua se ndoshta për shkak të axhendës nuk ndodhej në Tiranë, por fotot e ditës së nesërme, në një event krah mikut të saj Joni Peçit treguan se ndodhej në Shqipëri. Nën presionin mediatik dhe të rrjetit, TKOB ka bërë një njoftim në rrjete sociale ku thotë se ndaj Inva Mulës janë dërguar tre ftesa përmes email-it dhe se Drejtoresha e TKOB Zana Çela i ka shkruar, por pa përgjigje thotë zv.drejtoresha. Cfarë ka ndodhur në të vërtetë? Ndoshta Inva Mula do të reagojë?

"Të nderuar,

Në respekt të ndjekësve fanatik të TKOB, publikut të gjerë, artistëve dhe medias, ju informojmë në lidhje me të vërtetën e ftesave zyrtare, të cilat ju janë bërë artistëve ekselentë shqiptar, për pjesëmarrjen në programin e Mbrëmjes Gala të Inaugurimit të Rikonstruksionit të TKOB.

TKOB nëpërmjet Drejtoreshës Artistike, znj. Abigeila Voshtina, ashtu si të gjithë artistëve shqiptar ekselentë, i ka dërguar edhe znj. Inva Mula ftesat zyrtare për pjesëmarrjen në programin artistik të Mbrëmjes Gala të Inaugurimit të Rikonstruksionit të TKOB.

Këto ftesa zyrtare, janë përsëritur tre herë, duke filluar nga data 11 NËNTOR 2019, pasi TKOB ka patur në planet e veta që atëherë realizimin e Mbrëmjes Gala të Inaugurimit, plane të cilat janë shtyrë për shkaqe madhore si: tërmeti i nëntorit 2019 dhe më pas situata Covid 19.

Më poshtë gjeni tre email-et e dërguara në tre periudha të ndryshme, që përkojnë me parashikimet tonë të rihapjes së teatrit. Email-i i fundit zyrtar nga Drejtoresha Artistike e TKOB, znj. Abigeila Voshtina është dërguar në adresë të znj. Inva Mula në 19 KORRIK të vitit 2021 me shpresën që ajo do të kishte mundësi të merrte pjesë në Mbrëmjen Gala, por deri më tani nuk ka kthyer asnjë përgjigje.

Sqarojmë gjithashtu se një muaj përpara ftesës së fundit zyrtare të bërë nga Drejtoresha Artistike, znj. Voshtina (në email-in e datës 19 KORRIK 2021), Drejtoresha e Përgjithshme e TKOBAP-së, znj. Zana Çela i ka dërguar në datë 14 QERSHOR 2021 një mesazh shoqëror në WhatsApp, znj.Mula, por edhe në këtë rast nuk ka patur asnjë përgjigje. Më poshtë gjeni të renditur sipas datave ftesat zyrtare në email dhe mesazhin.

Mendojmë se përtej këtyre fakteve nuk mund të ketë më vend për keq interpretime.".

TKOB deklaratë për mungesën e Inva Mulës: Kemi nisur tre

TKOB deklaratë për mungesën e Inva Mulës: Kemi nisur tre

TKOB deklaratë për mungesën e Inva Mulës: Kemi nisur tre