Europa ka shumë qytete me natyrë dhe arkitekturë të bukur, prandaj nëse jeni ndjerë ndonjëherë të mahnitur pas ndërtesave franceze, italiane apo gjermane, nuk jeni të vetmit.
Platforma e krahasimit të shtëpive Uswitch.com ka bërë një listë me qytetet që kanë shtëpitë më piktoreske të Europës, shtëpi me arkitekturë ku me siguri do ta gjeni veten. Kompania bëri një studim nga të dhënat e Pinterest. Përdoruesve të kësaj platforme u pëlqen të bëjnë “pin” idetë e dekorimit që pëlqejnë më shumë, që të shërbejnë si referencë në të ardhmen nëse do t’u duhen.
Parisi zë vendin e parë për shtëpitë më të bukura në Europë që ndërthurin arkitekturën historike me dekorin modern dhe nuancat e theksuara të ngjyrave.
Në vendin e dytë, kryeqyteti gjerman Berlini, i cilësuar si një version më “i thjeshtë” i Londrës, kryeqyteti njihet për stilin eklektik, që do të thotë se shtëpitë ndryshojnë shumë nga njëra zonë në tjetrën.
Amsterdami zë vendin e tretë. I famshëm për shtëpitë tradicionale buzë kanaleve të qytetit dhe fasadat tërheqëse të ndërtesave, ai ka edhe stil bashkëkohor.
Athina renditet në vendin e katërt.
Shtëpitë e qytetit të romancës, Venecias, zënë vendin e pestë në këtë listë.
Barcelona dhe Roma janë në vendin e gjashtë dhe të shtatë.
Në vendin e tetë është Dublini, kryeqyteti i Irlandës, i njohur për atmosferën e qetë.
Vendi i nëntë ndahet mes dy qyteteve, Edinburgut dhe Firences,
Në vendin e dhjetë është Vjena, fotot e fokusuara në stilin klasik vienez të tavaneve të larta dhe mureve të vjetra, por edhe ato bashkohore.
