158 trupa të emergjencave civile dhe efektivëve të Forcave të Armatosura kanë vënë nën kontroll flakët në fshatin Zhamë të Lushnjes. Puna ka vijuar pa ndërprerë edhe gjatë natës. Ministri i Mbrojtjes Niko Peleshi ka bërë një përditësim të situatës.
“Në orët e para të mëngjesit të sotëm është arritur të vihet në kontroll të plotë situata në fshatin Zhamë, të Lushnjes. Vetëm pak minuta më parë, pas një pune intensive dhe përkushtimit të 158 trupave të emergjencave civile dhe efektivëve të FA, zjarri është shuar përfundimisht duke mos shkaktuar asnjë dëm në banesa e jetë njerëzish”, shkruan ai.
Tiranapost.al
