Shemben disa banesa në zonën e ‘5 Majit’ dhe te njësia 4, shoqërohen nga Policia disa banorë
E Mërkurë 19 Janar 2022, 12:36
TiranaPost
Paraditen e sotme punonjësit e IKMT-së kanë shembur disa banesa në zonat ‘5 Maji’ dhe në njësinë 4. Banorët ishin lajmëruar për prishjen e objekteve, ndërsa sot ishte afati i fundit që ato të lironin banesat.
Banorët të cilët nuk kanë qenë dakort për shembjen e banesave kanë kundërshtuar duke thënë që kanë dokumentacion të rregullt.
Për shkak të tensioneve të krijuara, nga banorët që nuk kanë pranuar akt-marrëveshjet për prishjen e banesave, është nevojitur edhe prania e Policisë, e cila ka shoqëruar në Komisariat disa banorë nga zona e ‘5 Maji-t’ dhe nga njësia 4.
Një i ri u vetëprangos në çatinë e shtëpisë së tij ndërsa të tjerë në brendësi të banesave në shenjë kundërshtie. Pasi hezituan të dilnin u nevojit ndërhyrja e Policisë.
