Mira Murati kap majën në drejtimin e ChatGPT! Emërohet CEO e Përkohshme
E Premte 17 Nëntor 2023, 22:26
TiranaPost
Sam Altman është shkarkuar si CEO i OpenAI, njoftoi kompania të premten. Mira Murati, shefe e teknologjisë e kompanisë, do të shërbejë si CEO e përkohshme.
Kompania tha se kreu “një proces shqyrtimi konsultativ” dhe “arriti në përfundimin se ai nuk ishte i sinqertë në komunikimet e tij me bordin” dhe se s’ka më besim në aftësinë e tij për të vazhduar udhëheqjen e OpenAI.
Mirati është anëtare e ekipit drejtues të OpenAI prej pesë vitesh. Siç thuhet në njoftimin e kompanisë, Murati ka luajtur një rol kritik në evoluimin e OpenAI në një udhëheqës global të AI.
“Duke pasur parasysh mandatin e saj të gjatë dhe angazhimin e ngushtë me të gjitha aspektet e kompanisë, duke përfshirë përvojën e saj në qeverisjen dhe politikën e AI, bordi beson se ajo është e kualifikuar në mënyrë unike për këtë rol dhe parashikon një tranzicion të pandërprerë ndërkohë që kryen një kërkim zyrtar për një CEO të përhershëm.“, tha kompania.
