Rifillon procesi i rimbursimit me naftë falas për fermerët
Sot Edi Rama e nisi ditën me këtë njoftim: “MIRËMËNGJES dhe me njoftimin se po vijojmë procesin e rimbursimit me kartat e naftës falas për mbi 5,000 fermerë të tjerë prej kësaj jave, ju uroj një ditë të mbarë”.
Erion Braçe ka ngritur vazhdimisht këtë problem dhe bën thirrje për të rinisur procesi i lënë pezull i rimbursimit me naftë.
“Nëse duam misër në gusht, shtator, tetor, duhet ujë tani. Nafta duhet për vaditjen! Procesi i ndërprerë i naftës falas duhet të rinisë tani. Thirra në interpeancë ministrin e Bujqësisë dhe afati mbaron këtë javë”.
Nëpërmjet kësaj mbështetje, fermerët mund të përfitojnë mesatarisht nga 70-100 L naftë falas për çdo hektarë tokë të mbjellë, në varësi të kulturave bujqësore.
Procesi i aplikimit është mbyllur prej disa muajsh, por ende një pjesë e aplikimeve janë duke u shqyrtuar.