Aktualitet

Rama në Vlorë: Njerëzit me prona në Lungomare janë bërë më të pasur pas investimit

Rama në Vlorë: Njerëzit me prona në Lungomare janë

Kryeministri Edi Rama ditën e sotme ka qenë në Vlorë, ku ka folur në Konferencën Ndërkombëtare “Drejt së Ardhmes: Qyteti im, Shtëpia ime”.

Rama gjatë fjalës së tij e vuri theksin te investimi i Lungomares në Vlorë, që përvec benefiteve pamore, ka sjellë edhe ekonomike. Ai tha se njerëzit me prona pranë Lungomares janë më të pasur sot. Kryeministri theksoi gjithashtu edhe rëndësinë e pastërtisë së një qyteti dhe vlerat që i shton ajo atij.

“Flitet për Lungomaren në aspektin estetik dhe kënaqësisë, por në fakt përtej asaj që duket në atë zonë kanë ndodhur edhe gjëra që nuk duken. Njerëzit që kanë prona në atë zonë, sot janë më të pasur. Ai investim i bërë, i ka bërë njerëzit më të pasur.

Kush ka shtretër në Vlorë do të rrisë çmimet. Kjo është shenja më e parë e rritjes së një ekonomie tërësore. Vlora sot ka 7 herë më pak shtretër se Saranda, por ky është një potencial shumë i madh dhe për këtë duhet të vazhdojmë të bëjmë atë që kemi nisur. Kur ne nisim një punë, ngrihen ata që thonë, “ne s’kemi bukë, ju bëni sheshe” “hajde shiko x shesh këtu”. Ky është një konceptim i gabuar. E kam thënë edhe më parë, në Kume, kur deri më parë duhet të futeshe me çizme, nuk është e largët dita, kur ato shpitë do të jepen me qira për pushuesit. Zona do dali në dritë me një investim.”, tha Rama.