Protesta e opozitës/ Mbështetësit e PD bllokojnë 6 akse rrugore nga Veriu në Jug
E Martë 29 Tetor 2024, 17:29
TiranaPost
Ka nisur protesta e Opozitës siç ishte paralajmëruar.
Në orën 17:00 janë bllokuar akset kryesore të vendit nga Veriu në Jug. Protestuesit e PD kanë bllokuar rrugën te mbikalimi i Shkozetit në autostradën Tiranë- Durrës në të dy krahët e saj.
Bllokim i qarkullimit raportohet edhe te Kthesa e Kamzës në kryeqytet. Të bllokuar janë edhe rrethrrotullimi në Levan dhe në Elbasan.
Në Milot protestuesit janë ulur në formë proteste në rrethrrotullim për të bllokuar qarkullimin e automjeteve.
Duke nisur nga ora 17:00 e pasdites deri në 20:00 të mbrëmjes, Partia Demokratike dhe mbështetësit e saj do të bllokojnë akset rrugore në 6 pika të rëndësishme të vendit si Kthesa e Kamzës, rrethrrotullimet e Shkozetit, Bradasheshit, Levanit dhe Rrogozhinës, si dhe kryqëzimi i Milotit.
Në rrethrrotullimin e Shkozetit, mbështetësit e opozitës i kanë vënë zjarrin disa gomave.
